?

Log in

No account? Create an account

Previous Entry | Next Entry

Аднойчы, калі дзіцёнка ў мяне яшчэ не было, я пачула ад сяброўкі - мамы двухмесячнага немаўля, што яны на днях сямействам зганялі ў піцэрыю..
Як у піцэрыю? - падумалася мне, - а як жа туды з вазком і дзіцёнкам, а ён жа там будзе плакаць???
Далей усё было як у прасвятленьні. Мне расказалі пра слінгі, ну і да кучы пра дзяцей, якія ў гэтых штуках растуць спакойныя, вісяць сабе ўтульна ў слінгу на грудзі і ніякай піцэрыяй іх не спалохаць (-:

Дзіцёнак мне ў будучыні вельмі нават бачыўся, таму я пайшла дадому заснавальна пагугліць - нагугліла стос слінга-камьюніці ў ЖЖ (праўда адразу яны мне падаліся вельмі і вельмі крэйзі) і самае галоўнае я ўбачыла, што дзеці - гэта яшчэ не нагода ахвярыць сваім камфортным ладам жыцьця і сядзець тры гады дома. Слінгамамы актыўна перасоўваліся па горадзе, наведвалі цікавыя мерапрыемствы, і што самае важнае для мяне - лёгка вандравалі.

- Тусы гэта па мне, - падумала я. - Слінгі - трэба запомніць (-:

Ітак, калі на небакраі бачыліся мае ўласныя роды, я засела разбірацца, што ж за звяры такія слінгі і што гэта за сск, кнк, кпк, агуркі, дібсы і гэтак далей.
Была адна праблема - мне не падабаліся 95% малюнкаў на шаліках, таму падумалася мне пачну-ка я з аднатонных.
Так, яшчэ цяжарная я замовіла на сайце www.sleepywrap.com 2 трыкатажных слінга і чакала (-:

І тут нарадзілася дачка! Вось тады я сапраўды насамрэч зразумела навошта прыдумалі гэтае слінганашэнне - мая нованароджаная дачка апынулася такой мілашкай, што яе не хацелася выпускаць з рук (ну і канешне пару бытавых фактараў - у слінгу не так балела спіна, як проста насіць дзіцё на руках, дачка там лепей спала і рабіць нешта па дому можна было са свабоднымі рукамі).

І хаця наша гісторыя на гэтым не скончылася і ў слінгу (ці ўсё больш у слінг-рукзаку) мы ездзім і зараз, а Зоі ўжо 1 год і 5 месяцаў - я лепей раскажу вам якія менавіта пераноскі ў нас пабывалі і як мы імі карысталіся.

1. Самым першым (настальгічны ўсхліп тут) наматаным слінгам быў невядомы ружовы адрэз тканіны, які нам пашыла ў слінг з кольцамі (сск) і прэзентавала сяброўка. Нешта ў мяне з ім не атрымлівалася (гэта бачна на фота), намоткі спаўзалі, тканіна ў кольцах трымалася дрэнна - першы блін комам (-: Але мы з яго хутка выраслі за першы месяц, бо ён быў вузкі, таму я так і не паспела навучыцца да канца ім карыстацца.





Слінгапрактыка працягнулася, калі Зоі быў 1 месяц на адным з 2-ух амерыканскіх трыкатажаў (другі, дарэчы мне так і не спатрэбіўся, я думала буду іх перыядычна праць па чарзе, але тады пральная машынка працавала бы кругласутачна). Трыкатаж быў цудоўным, мяккім якасным, трымаў намотку, ня трэба было часта намотваць-размотваць, падцягваць хвасты. Шкада, што недзе ў 5-6 месяцаў дачушка стала так енчыць і скакаць, што гнуткай трыкатажнай намоткай яе ўжо стала не ўтрымаць. Зараз гэты брэнд завецца http://www.bobafamily.com У балах - 9 з 10




Паралельна з вертыкальнымі намоткамі (якія нам былі паказаны з-за дысплазіі тбс і якія дачушцы не падабаліся да 3-ох месяцаў) мы ўсё яшчэ днямі віселі на грудзі і было вырашана набыць ССК. Выбар паў на рускі Bambino (Эстетика) http://estetica-sling.ru/ Мне спадабаліся стыльна спалучаныя колеры, мяккая тканіна, але вось трымаў намотку гэты сск таксама слаба. 6 з 10




І ў выніку я знайшла свой ідэальны слінг з кольцамі (у сэнсе тэхнічных характарыстык). Нямецкі
Hoppediz Madrid http://www.hoppediz.de/en/ Тканіна ў ім шчыльная і рыхлая, кольцы матавыя і трошкі шурпатыя, усё гэта трымае намотку ідэальна - набылі яго каля трох дачухіных месяцаў і вельмі шкадавалі, што ён не патрапіўся ў аб'яўках сэканд-хэнда раней. Не падабаецца мне ў ім толькі кішэня на хвасце, але гэта дробязі. 8 з 10



На гэтым нашыя ССК скончыліся, з другім дзіцёнкам вазьму сабе які-небудзь адзін хопедыц выключна для доўгага ГВ. Бо хадзіць лепш у СШ (слінг-шалік) - ССК усё ж дае нагрузку на адно плячо, з-за чаго праз пэўны час можна адчуць дыскамфорт.


Далей надыходзіла лета, Зоі было недзе месяцы 3, і я вырашыла паспрабаваць тканы слінг. О, богі! Менавіта тады я знайшла той самы слінгапаттэрн, які мне спадабаўся - было вырашана браць (-: Нарвежскі Ellevill Paisley Java 50% бамбук 50% бавоўна http://www.ellevill.com/ у народзе агуркі (-: Шалік вельмі прыгожы, вельмі тонкі, а з-за гэтага вельмі патрабавальны да намоткі, калі нешта намотвала ня вельмі дасканала - пару гадзін ужо ў ім было не выхадзіць, пачынала ныць плячо. 7 з 10




Бліжэй да канца лета (дачка падбіралася да 5ці месяцаў) захацелася разнастайнасці і ў нашым з Зояй гардэробе з'явіліся яшчэ 2 тканых слінга.

Першы быў самаробны - у гд на Нямізе я набыла адрэз тканіны са складам бавоўна/лён/трохі сінтэтыкі і папрасіла сяброўку падрубіць яе на швейнай машынцы. Тканіна была дубовай, з-за сінтэтыкі так і не разнасілася, але брудна-ружовы колер мяне вабіў і быў крыху панкаўскім, таму мы яго насілі мо цэлы месяц - трымаў добра, але цяжкую цвёрдую тканіну намотваць было непрыемна. Наступны самаробны слінг абавязкова куплю былым ў выкарыстанні, бо ён будзе дакладна мяккім (-: 5 з 10




Другі слінг быў фірмовы і класны. Нямецкі Didymos Indio http://www.didymos.de/en/ натурнага колеру 100% бавоўна. Па ўсіх параметрах нармальны, прыгожае перапляценне тканіны, ну можа акрамя колеру - ён быў актуальным для мора, лета, але зімоў хутка надакучыў. 8 з 10




Таксама на мора з намі ездзіў (дзіцёнку споўнілася 6 месяцаў) май-слінг. Самашыты сяброўкай з аршанскага льну. Май-слінг быў добрым рашэннем для гарачага надвор'я на адпачынку, прадзьмуваўся ён нашмат лепей СШ, але таксама быў мінус - канкрэтна ў гэтай мадэлі лямкі былі тонкія і ўрэзваліся ў плечы праз пэўны час, а таксама швы канструкцыі грубаватага льну крыху націралі пад дзіцячымі каленкамі. Калі ў будучыні з'явіцца патрэба карыстацца май-слінгам, буду ўлічваць апісаныя нюансы. 6 з 10




Восенню нашае слінгажыццё стала вельмі разнастайным. Па-першае мы набылі слінгакуртку - гэта вельмі і вельмі крутая штука, дзякуй якой было сэканомлена мільён нерваў, каб не надзяваць на дзіцёнка зімовую вопратку. У нас была куртка Мать-Ехидна вось такая http://bel-slingomamy.livejournal.com/241751.html

Такім чынам пад курткай мы насілі свае слінгі-шалікі, а вось паверх звычайнай курткі намотваць слінг было вельмі нязручна, таму я замовіла ў petli слінг-рукзак. На восеньскую вопратку было ідэальна, канструкцыя рукзака была вельмі ўдалая (лямкі перакрыжоўваюцца на спіне і зашпільваюцца спераду), таму я так смела здаю вам вытворцу (-: Шырыні спінкі гэтай канткрэтнай мадэлі нам хапіла недзе да наступнай вясны (да годзіка). Тканіну для пашыву я купляла ізноў з асартыменту аршанскага льну. 9 з 10




Дома ў нас настаў перыяд, калі дзіцяці стала цікава ўсё, чым займаецца мама, для гэтага я паспрабавала прыстасаваць каратыш - слінг-шалік невялікай даўжыні. Наш недзе метра 2. Яшчэ адзін Хопедыц старой мадэлі Коста-Рыка. З-за нагрузкі на адно плячо ў простым крыжы на сцягне носіцца вельмі рэдка, а даўжыні на іншыя намоткі не хапае. 7 з 10




Так мы з дачкой падабраліся да халоднай зімы. І да слінга ролс-ройса ў нашай слінгагісторыі. Heartiness ручнога ткацтва Beta Wild Salmon 50% бавоўна 35% мерынос 10% кашэмір 5% шоўк http://heartiness.org/ Не слінг, а фантастыка. Зімоў у ім было ідэальна. Ён нас так натхніў, што мы выбраліся нават паздымаць яго ў асобную фотасэсію http://hearty-wrap.livejournal.com/2708.html
9 з 10




На змену снегу прыйшоў годзік дзіцёнку і мы набылі сабе слінг-рукзак, які падыходзіць дзецям амаль да 3-ох гадовага ўзросту. Ergobaby серыі organic http://store.ergobaby.com/ Мяккія лямкі, шырокая спінка, шырокі пояс, класна для бегунка, які скоча то на ручкі, то на ножкі (-: Сярод мінусаў - зашпільваецца ззаду, што нашаму тату было адразу ня вельмі зручна. 8 з 10




Ну і апошні (пакуль) наш слінг быў набыты для ўзняцця вясновага настрою. На практыцы мне падалося, што ён танкаваты для гадавасаў, але пераканацца я не паспела - мы забылі яго ў Кракаве ў гасцях, калі-небудзь ён да мяне вернецца і тады я раскажу (-:



Польскі Nati Savanna http://www.natibaby.eu/


Comments

( 25 comments — Leave a comment )
ira_aviv
Aug. 29th, 2012 03:22 am (UTC)
написанное понимаю с трудом, но вы великолепны! улыбки вообще блеск :-)
(Anonymous)
Aug. 29th, 2012 07:03 am (UTC)
Усё ,канешне,супер!Я думаю,калі б ты падала цэны гэтых слінгаў,то аптымізм будучых слінга-бацькоў моцна бы спаў:(
luckra_
Aug. 29th, 2012 07:32 am (UTC)
Тым, хто хоча ўсё ў жыцці за тры рубля дапамагчы вельмі складана. Для тых хто хоча проста сэканоміць, я апісала варыянты, што слінгі могуць быць зроблены самастойна.
luckra_
Aug. 29th, 2012 07:31 am (UTC)
Большое спасибо (-:
no_cats
Aug. 29th, 2012 10:27 am (UTC)
Оля, замечательный рассказ))) Вы как всегда прекрасны в любом слинге!!) но я не по теме: пальтишко на первой фотке просто обалденное!!!)))
luckra_
Aug. 30th, 2012 05:25 pm (UTC)
Дзякуй! Пальцішка мала таго што клёва выглядае, так і каштавала 10 фунтаў усяго! Primark ёпт (-:
zoi_ka
Aug. 29th, 2012 11:31 am (UTC)
дадам у абранае
калі-небудзь калі-небудзь усё ж такі спатрэбіцца)
дзякуй за карысны пост!
luckra_
Aug. 30th, 2012 05:26 pm (UTC)
карастайцеся на здароў'е (-:
friday_sun
Aug. 29th, 2012 12:39 pm (UTC)
Вы такие клевые с Зоей! Любуюсь)

У меня слингов не такое разнообразие было: хоппедиц, элла ру и рюкзак беко. Хопп толстым показался, Элла ру люблю нежно, а рюкзак вообще спасение мое.
luckra_
Aug. 30th, 2012 05:28 pm (UTC)
Хопы паходу бываюць розныя, бо мой тонкі, насупраць сяброўка мае тоўсты, а вось рукзак мяне таксама выратоўвае (-:
kasia_key
Aug. 29th, 2012 01:15 pm (UTC)
долгожданный постик:)
Оль, как я понимаю, ты продавала один и покупала другой? не попалось ли слинга, который захотелось оставить до следующего малышика? (или все-таки что-то оставила?:))
и еще маленький оффтопик: какой у Зои сейчас размер ножки и какой был у новорожденной и месяцев в шесть (хотя б примерно)?
luckra_
Aug. 30th, 2012 05:40 pm (UTC)
Ну я не тое каб прадавала адзін купляла другі, у мяне бывалі некалькі паралельна, але зараз у мяне з усяго гэтага асартымента засталося толькі 2 рукзака і каратыш (апошні слінг пакуль недзе ў Кракаве, а яшчэ адзін ССК здаецца збіраюцца ў мяне купіць).
Я бы з задавальненьнем пакінула для наступнага дзіцёнка элевілеўскія агуркі, але патрэбны былі грошы і прадала, ну нічо - куплю іншыя потым, хутчэй за ўсё адразу са льном, каб хапіла і на бегунка. Яшчэ вельмі любіла тканы Хартнэс, але ён з такіх складнікаў (кашэмір, мерынос), што я баялася яго моль зжарэ пакуль я 2-га дзіцёнка нараджу (((-: Так што таксама прадала, у 1.5 разы даражэй, чым купіла.
Яшчэ я бы пакінула сабе ССК бамбіна ў карычневыя палоскі, але кольцы там няўдалыя былі, слізгацілі, таму таксама прадала.
Ну і трыкатаж пакінула бы, але колер паднадакучыў, набуду сабе потым які-небудзь светла-блакітны (-:
2 рукзака якія зараз ёсьць - я не буду прадаваць, адзін як памяць (пашыла сяброўка), а другі хутчэй за ўсё нам яшчэ насіць да 3-ох год, а потым іншы дзіцёнак будзе, спадзяюся колер не выгарыць (-%

Пра памер ножкі: ў год у Зоі быў 19-ы памер, зараз 20-ы (ці 4-ты калі браць амерыканскія канверсы), але ўсе нашыя равеснікі ўжо насяць 21-ы - проста ў Зоі ножка худая. А да года мы абутак не набывалі, таму ня ведаю што і як, хутчэй за ўсё ў месяцаў 9 у дзетак недзе 18-ты. на нованароджаную нават ня ведаю што сказаць - самы маленькі падыйдзе (((-:
wildkot
Aug. 29th, 2012 02:09 pm (UTC)
Класс! Я как будто снова пережила все этапы своего изучения слингов :)
luckra_
Aug. 30th, 2012 05:40 pm (UTC)
О, я не адна так усё вывучала! (-:
wildkot
Aug. 31st, 2012 08:05 am (UTC)
Мне было принципиально попробовать все виды и всякие добавки, это уже только под конец я начала обращать внимание больше на красоту :)
(Deleted comment)
luckra_
Aug. 30th, 2012 05:40 pm (UTC)
Дзякуй вялікі (-:
lomaki
Aug. 29th, 2012 06:05 pm (UTC)
1. посту крутой, как про один день)
2. спасибо за рекламу;)
3. фотка из барселоны зашибенская!
4. чо это у зои за крутая шапка и мимими куртка на последней фотке?
luckra_
Aug. 30th, 2012 05:42 pm (UTC)
дзякуй дзякуй дзякуй (-:
шапка ў нас такая ёсьць з 2мя вузелкамі па баках, ты яе бачыла стопудова, а куртка з распродажу аранжавага верблюда, яна Зоі была вялікая раней, можа гэтай восенню будзем насіць (-:
bosonojka
Sep. 2nd, 2012 07:49 pm (UTC)
агурки цудоуныя!
и вообще отличный пост и фотографии)
luckra_
Sep. 2nd, 2012 07:56 pm (UTC)
мэрсі (-:
almami
Nov. 18th, 2012 09:40 pm (UTC)
Прикольно, что когда мой Мишка был как твоя зойка, я написала точь-в-точь такой же пост, только без таких лучезарных фоток))
Очень рада, что наш "неудачный" ССК у тебя прижитлся и получил звание идеального)))
almami
Nov. 18th, 2012 09:41 pm (UTC)
Ой! Зойка)))
luckra_
Nov. 18th, 2012 09:45 pm (UTC)
сск ваш прыжыўся, бо перад ім як след патрэніравалася на эстэтыцы)
almami
Nov. 18th, 2012 09:51 pm (UTC)
Да... а мы на нем тренировались неудачно(((( Я уже припасла шарфиков ко второму малышу))) 5-ый едет) и все кажутся такими нужными-нужными... и не одного ССК)))
luckra_
Nov. 18th, 2012 10:08 pm (UTC)
я для другога напэўна набуду толькі трыкатажны шалік і сск для доўгага кармлення, а пра тканыя задумаюся месяцы ў 3)
( 25 comments — Leave a comment )