sheshory

Мінорны настрой

Чатырохгадовы Пеця Надточы з Вілейкі - чалавек-матылёк. Так называюць людзей з рэдкім генетычным захворваннем – булёзны эпідэрмаліз. Скура Пеці вельмі далікатная, як крылцы матылька. Пры самым лёгкім дотыку яна траўмуецца. Жыццё Пеці і яго сям'і – гэта бесперапынная барацьба з ранамі, якія пакрываюць усё цела дзіцяці. 



У Расіі і Беларусі лячэння для такіх дзяцей няма. Пеці неабходна абследаванне ва Універсітэцкай клініцы горада Фрайбург (Нямеччына), якая спецыялізуецца на Булёзным эпідэрмалізе. Кошт абследавання - 17.700 еўра. Засталося сабраць 438 еўра. У гэтую суму таксама ўваходзяць выдаткі, звязаныя з праездам да месца лячэння.

Мае бацькі сёння наведалі Пецю і яго маму ды бабулю. Перадалі грошы.

- Які ў цябе настрой, Пеценька? - запытала малога бабуля.
- Мінорны, - адказаў той.



Мама Пеці піша: "Форма захворвання ў нас складаная. Пальчыкі на канечнасцях схільныя да зрошчвання. Іх з нараджэння трэба было падзяляць і бінтаваць асобна, але мы гэтага не ведалі. Дакладна таксама можа зрастацца стрававод, вось чаму важна сачыць за харчаваннем і не траўміраваць яго. Магчымыя пры такім захворванні зрошчванні ў роце. У нас вельмі караценькі язычок. Пеця не можа яго высунуць і аблізаць губкі".


Collapse )

sheshory

(no subject)

Доўга выбіралі, якую фрызуру зрабіць Верасьню. Урэшцэ рэшт, ён сказаў: "Карацей, пастрыжы мяне, як Гітлера".
Ну, я пайшла...
sheshory

Абсурд

Прапанавалі мне працу. Дамовіліся на пачатак наступнага месяца. Пакуль тое ды сёе, наступны месяц яшчэ не пачаўся, да працы я яшчэ не прыступала, а ўжо атрымала павышэнне.
sheshory

Дарадцы

verasen выходзіць з ваннай. Увесь свежапаголены, толькі на бакенбардах пена. Пытаецца ў нас з n_mancewich :

- Як вы думаеце, можа, мне бакенбарды пакінуць?
- Канечне! - у адзін голас адказваем мы.
- Ну, сукі... - Верасень усміхаецца і вяртаецца ў ванную.

Не пакінуў :)
sheshory

Як выйсці замуж у Беларусі

Дзяржаўны натарыюс паднесла да святла наш апастыль, выдадзены клеркам шатата Нью-Йорк Норманам Гудманам, з копіяй пасведачання пра шлюб. Затым, паклаўшы дакументы на свой працоўны стол, паслінявіла мезінец і правяла ім па подпісе Нормана Гудмана.

- А што гэта такое? - скрывілася яна.
- Апастыль, які легалізуе ў Беларусі наш шлюб, заключаны ў ЗША.
- А чаму тут подпіс і штамп электронныя?

Чаму ў Нью-Йорку ставяць электронныя подпіс і штамі, мы не ведалі. Можа, таму што прагрэс туды даходзіць крыху хутчэй, чым да Беларусі... Але так ці йнакш, дзяржаўны натарыюс, параіўшыся з начальніцай, вынесла нам дакументы, якія мы беражна захоўвалі год, пакуль былі ў падарожжы, і сказала:

- Гэты апастыль вам ніводны натарыюс не падпіша.
- І што нам цяпер рабіць? Мы ўжо за пераклад заплацілі 91 тысячу!
- Не ведаю, але гэта не дакумент. Мы гэтых апастыляў бачым па 25 штук на дзень! Але такі - ўпершыню. Мяне нават здзівіла, што лісты тут змацаваныя скобай. Нам звычайна прыносяць перавязаныя чырвонай льняной стужачкай.

Варыянты, што мы можам зрабіць далей:
- пайсці ў амбасаду ЗША і паспрабаваць дабіцца ад іх дакументу, што наш дакумент сапраўдны (галоўнае, каб подпіс і штамп паставілі не электронныя :)
- не парыцца з гэтымі апастылямі а проста пайсці і зарэгістраваць шлюб нанова ў Беларусі па беларускіх законах

Але тут адна загваздка. Па беларускіх законах заключаць шлюб зарабараняецца паміж асобамі, якія знаходзяцца ў іншым шлюбе нават па-за межамі краіны. А мы-та жанатыя ў ЗША. Таму, каб пажаніцца ў Беларусі, нам трэба спачатку развесціся ў штатах.
)
  • Current Music
    Sofa Surfers - Selling Souls
  • Tags