Сяргей Корсак (_extraneus_) wrote,
Сяргей Корсак
_extraneus_

! Нікога не хвалюючыя чалавечыя косткі і чарапы на полацкай будоўлі. Што рабіць?

Сябры, гэта капец.

Выправіліся сёньня з камрадам g_luck на пагулянку па Полацку, з мэтаю зафіксаваць працэс падрыхтоўкі да сьвяткаваньня 1150-гадовага юбілею першай узгадкі нашага горада - бо звычайна ў нас такія падрыхтоўкі роўныя па сваім дэструктыўным эфэкце невялікай вайне.

Хадзілі, фоцілі розны трэш, і раптам натыкнуліся на рэч зусім вусьцішную.

271.43 КБ

Пасярод запаведнай зоны гістарычнага цэнтру, у пары крокаў ад карпусоў езуіцкага калегіюма, без усялякіх папярэдніх раскопак вядзецца будаўніцтва нейкага аб'екта: мяркуючы па падмурку - чарговага катэджыку для нейкага дужа паважанага ў нас чалавека.

204.29 КБ

Поўны ахтунг само па сабе. Але ж апроч гэтага - там паўсюль чалавечыя косткі! Толькі бегла агледзеўшы тэрыторыю, знайшлі тры чарапы - проста сярод друзу і будаўнічага сьмецьця.

374.16 КБ

235.80 КБ

231.85 КБ

397.84 КБ

Тэрыторыя, паўтаруся, у самым цэнтры старога Полацка, пляцоўка аніяк не агароджаная і, мяркуючы па ўсім, гэтыя чарапы і косткі нікога з кампетэнтных асобаў не цікавяць.

А чалавечыя парэшткі, відаць, досыць старыя. Прынамсі, яны вытыркаюцца з-пад каранёў пнёў колісь выраслых над імі векавых дрэваў. Думаю, тут вядзецца пра два стагодзьдзі мінімум.

362.89 КБ

Скажыце, што ў гэтай сітуацыі трэба рабіць, як дзейнічаць, каб прытармазіць дзікунства і перавесьці гэтую будоўлю ў цывілізаванае рэчышча?

Update: Пра тое ж у Зьмітра

Update2: Як высьветлілася, сямнаццатае стагодзьдзе.

Толькі зьбіраўся выходзіць з дому каб нанесьці візіт у адміністрацыю Полацкага музэя-запаведніка і, магчыма, пракуратуру, як атрымаў адказ ад Дзяніса Дука, нашага галоўнага полацкага спэцыяліста па археалогіі. Зь якога вынікае, што ў ліпені мінулага года на месцы, дзе зараз будуецца катэдж (на месцы могілак 17 стагодзьдзя), былі праведзеныя адпаведныя археалагічныя работы - сабраныя і "антрапалагічна апрацаваныя" рэшткі болей паўсотні памерлых, якія зараз захоўваюцца на адпаведнай кафэдры ПДУ. Косткі і чарапы, што на фотаздымках, вылезьлі з адвалу схіла на мяжы зоны раскопак па прычыне эрозіі пасля веснавой паводкі. Паабяцалі сабраць усе астанкі сёньня.
Tags: НАТЕ!, Полацак, навінкі
Subscribe

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 20 comments