Home

RADIO MARYJKA - ВЯРНУЛАСЯ. ПА ПАРАДКУ.

(Апошнія запісы) (Архіў) (Сябры) (Профіль карыстальніка) (Масава-палітычная газета "НОВЫ ЧАС")

Крс. 15, 2008

03:45 pm - ВЯРНУЛАСЯ. ПА ПАРАДКУ.

Папярэдні запіс Дадаць да запамінаў Паведаміць сябру Наступны запіс

Па-першае, вялікі дзякуй усім, хто павіншаваў з кніжкай і выказаў цікавасьць набыць. Усіх буду трымаць ва ўме, з усімі знайду спосаб сустрэцца. Таксама паведамляю, што па шматлікіх просьбах знатоцтва вазьму частку накладу ў Палац Моладзі ўвечары 17 красавіка, на Лігу "А", а таксама на "Кубак княгіні Вольгі" ў Віцебск 1902-га.

Па-другое, зборная Беларусі ў складзе Віця Жыбуль, Вера Бурлак [info]zhadanka, Сяргей Прылуцкі [info]pistonczyk, я і Віталь Рыжкоў [info]ryzhkou (трэнер на полі - АХ [info]khadanovich) перамагла ў Міжнародным слэме Беларусь-Украіна ў Кіеве 12 красавіка. Я згуляла ў нічыю з львоўскай паэткай Лорай Радчанка [info]lo_ra_in, атрымаўшы 25 балаў за зьмест і 19 за артыстызм. У асабістым заліку 1-е месца падзялілі [info]khadanovich і Паўло Карабчук [info]koroboro.

Па-трэцяе, мы файна паезьдзілі па Ўкраіне ў рамках фэстывалю "Беларуская вясна", за што вялікі дзякуй ягоным арганізатарам. Асабліва мне спадабалася новае адкрыцьцё ў Львове - арт-кафэ "Кабінет" на вул. Вінніченка, 12. Зьверху "Кабінэт" - прыстойная кавярня-кнігарня з утульнымі зялёнымі канапамі, дзе адбываюцца літаратурныя сустрэчы. Калі спускаешся ў яе падвалы, пачынаецца ісьцінная жэсьць, побач зь якой апетая мной раней "Крыйівка" нэрвова паліць. У "Кабінэце" ўсё стрыманей, інтэлігентней, густоўней, але больш канцэптуальней и менш папсовей. Шчыра рэкамэндую!


Ну, і па-чацьвёртае, Севярын Квяткоўскі [info]abrykos нарваўся на фрашку. Comming soon.

Tags: ,
Настрой: [mood icon] tired
(напісаць лісьць у рэдакцыю)

Comments:

[User Picture]
From:[info]comrade_molotov
Date:красавіка 15, 2008 01:17 pm (UTC)
(Link)
иииии ану не розказуй всім про кабінет а то почнуть туда ходити і мість там небуде :)))
я ж бо в ньому по пятницях іногда на пиво хожу
(Адказаць) (Thread)
[User Picture]
From:[info]kanaj
Date:красавіка 15, 2008 01:21 pm (UTC)
(Link)
Якраз цяпер пішу піяр-пост. ))
І што зь Мядзьведзевым?
(Адказаць) (Thread)
[User Picture]
From:[info]maryjka_
Date:красавіка 15, 2008 01:38 pm (UTC)
(Link)
у мядзьведзева не працаваў тэлефон. ён выбег на плятформу, клаі цягнік ужо крануўся. калі б я яго пабачыла, я б сарвала стоп-кран, але ж ня лёс:(

(Адказаць) (Parent) (Thread)
[User Picture]
From:[info]zmila
Date:красавіка 15, 2008 02:14 pm (UTC)
(Link)
з навяртаньнем.
кніжку я там не замовіў, але замаўляю тут. трымай і мяне ўва ўме :)
буду праязджаць - куплю міма
(Адказаць) (Thread)
[User Picture]
From:[info]magdalena_jo_jo
Date:красавіка 15, 2008 02:21 pm (UTC)
(Link)
А я пра ўсё даведваюся ня проста апошняй, а апошняй з апошніх :)
І віншую! :)
(Адказаць) (Thread)
[User Picture]
From:[info]asya_17
Date:красавіка 15, 2008 02:25 pm (UTC)

трэш

(Link)
Добры дзень, Марыйка!

для пачатку віншую з кніжкай. афармленьне файнае атрымалася ;) чытаю зараз :)



У чарговы раз зьвяртаюся да вас па каментар для артыкула.
На гэты раз – апытанка наконт трэша ў літаратуры.

Пытаньні да вас:
1. што вы лічаце трэшам ўвогуле і трэшам у літаратуры ў прыватнасьці?
2. ці ёсьць, на вашу думку, месца трэшу ў беларускай літаратуры? Калі так, назавіце аўтараў і творы.
3. вашае асабістае стаўленьне да трэшавай літаратуры.

Дзякую. З павагай, Ася Паплаўская
(Адказаць) (Thread)
[User Picture]
From:[info]maryjka_
Date:красавіка 15, 2008 08:26 pm (UTC)

Re: трэш

(Link)
Кажучы пра трэш-мастацтва, я трымаюся энцыкляпэдычнага азначэньня, у нашым выпадку - вікіпэдычнага:

"Трэш (англ. trash, літаральна, «сьмецьце») — кірунаг сучаснага мастацтва (літаратура, кіно, музыка), які характарызуецца дэкляратыўнай другаснасьцю і вульгарнасьцю. Абавязковымі і пажаданымі элемэнтамі трэшу ёсьць: выкарыстаньне вялікай колькасьці штампаў, зацяганых ідэяў, "моднага" зьместу і неарыгінальных сюжэтных ліній. У рамках постмадэрністычнай культуры трэш выступае брутальным двайніком глямуру".

І далей па тэксьце http://ru.wikipedia.org/wiki/Трэш

Трэш у беларускай літаратуры, безумоўна, ёсьць, яго тут нават зашмат. Бо трэш бывае сьвядомы і несьвядомы. Несьвядомы трэш - гэта калі аўтар шчыра верыць, што піша нешта вартаснае, а на справе выходзіць убога, камічна і ад таго трэшава; гэтую зьяву цяпер усё часьцей называюць тэрмінам "арт-оф /art-off" (слова ўзьнялі на шчыты львоўскія фанаты поп-сьпевака Васіля Васільцава). Яркі прадстаўнік несьвядомага трэшу ў сучаснай беларускай паэзіі - Сяргей Патаранскі. Трэшам сьвядомым, безумоўна зьяўяеццца кніжка Сірожкі Пістончыка "Ёпыты", якая неўзабаве выйдзе. Трэш - проза баба Броні. Трэш -інтэрнэт-раман "На перакростку" Ігара Трафімовіча, прысьвечаны вёсцы Дубна. Трэш - кінасцэнар "Анастасія Слуцкая-2: хамячкі атакуюць" - калектыўны інтэрнэт-твор суполкі Беамуры. Трэш - гэта паэзія Васіля Фірхольда і творы "дружасьцьвенных" яму літаратараў, якія выходзілі ў пачатку 2000-х у самвыдаце Веры Бурлак, Віці Жыбуля і Вікі Трэнас (Ленін, Джэці і Нехта Трэці) "Вясковыя могілкі". Кароль беларускай трэш-паэзіі - магчыма, Віктар Жыбуль. Прынамсі, пры мне яго так называлі. Хоць асабіста мне яго постаць здаецца больш значэннаю.

Несьвядомы трэш мяне забаўляе, але зь цячгам часу стамляе, таму што ён заўсёды кідаецца ў вочы, імкнецца быць навідавоку, а ў рэаліях беларускай культуры часта стаецца афіцыёзным мэйнстрымам. Да трэш-літаратуры ў чыстым выглядзе я стаўлюся вельмі пяшчотна і прыязна. Рэч у тым, што сьвядомы трэш заўсёды сьвядома застаецца на маргінэсе. жо трэці год у мяне на паліцы ляжыць рукапіс падрыхтаванай да друку серыі беларускай прозы "Trashlit Poketbook". Першыя дзьве пазыцыі - "Казкі і расказы Бабы Броні", раман Ігара Трафімовіча "На перакростку". Мару знайсьці фінансавыя магчымасьці і ашчасьлівіць гэтымі кніжкамі разумнага, прагрэсыўнага, незашоранага беларускага чытача.

Такі адказ.

А дзе ён зьявіцца?
(Адказаць) (Parent) (Thread)
[User Picture]
From:[info]maryjka_
Date:красавіка 15, 2008 08:29 pm (UTC)

Re: трэш

(Link)
Тут шмат адруковак і апісак. Адрэдагуйце, калі ласка. Pocket Book. Астатняе ў белмове.
(Адказаць) (Parent) (Thread)
[User Picture]
From:[info]asya_17
Date:красавіка 16, 2008 05:14 pm (UTC)

Re: трэш

(Link)
дзякуй, Марыйка!
артыкул будзе надрукаваны ў газэце ПЕРЬя і на сайце www.uff-by.org
(Адказаць) (Parent) (Thread)
[User Picture]
From:[info]anatolkukula
Date:красавіка 15, 2008 03:06 pm (UTC)
(Link)
ви молодці! особливо цікаво порівнювати вас на слемі і вас у Львові! успіху ;)
(Адказаць) (Thread)
[User Picture]
From:[info]vinah
Date:красавіка 15, 2008 04:33 pm (UTC)
(Link)
а вот я еще с книшкой не поздравляла. или поздравляла, но была пьяная и ничего не помню. поздравляю! ура! книшка - это прекрасно!
(Адказаць) (Thread)
[User Picture]
From:[info]valjaryna
Date:красавіка 15, 2008 06:53 pm (UTC)
(Link)
Віншую з цмокамі на нерасьце! ;)
(Адказаць) (Thread)
[User Picture]
From:[info]fiumicina
Date:красавіка 15, 2008 08:47 pm (UTC)
(Link)
васьхіціцельная! Пакінь нам, каліласка, 10 паасобнікаў. Буду ў Менску 14-16 траўня
(Адказаць) (Thread)