RADIO MARYJKA - ФРАШКІ ПРА ПАЭТАЎ І ПЕРАКЛАДЧЫКАЎ-5

Ліс. 25, 2006

11:22 am - ФРАШКІ ПРА ПАЭТАЎ І ПЕРАКЛАДЧЫКАЎ-5

Дыскусія пра традыцыі беларускага пэрформансу, якую выклікаў учорашні пэрформанс "Тэатру псіхічнай неўраўнаважанасьці", нагадала мне гісторыю, з дапамогай якой АХ тлумачыць сутнасьць гэтага віду мастацтва.

У ЧЫМ СІЛА АКТУАЛЬНАГА МАСТАЦТВА

Падчас Плэнэру, які ўжо стаўся эпахальным і мае права быць напісаным зь вялікай літары (гл. Таксама Ліцэй, Плошча, Бібліятэка) дык вось, падчас Плэнэру ў дзень Купальскай ночы, мы мелі пэрформанс-дэй (падрабязнасьці - па спасылцы вышэй). Ну вядома ж, які пэрформанс-дэй безь Змітра Вішнёва. Ён і малады беларускі Тарзан мастак Захар Кудзін агарадзілі квадрат памерам з баксёрскі рынг, запалілі паходні, нанялі барабаншчыкаў, а потым, аголеныя па пояс, лёталі па рынгу, хвасталі сябе крапівой, зьбівалі, падпальвалі і цягнулі тапіць у возеры вусатае пудзіла. Называлася ўсё "Дзікае паля(і? - m_)ваньне караля Стаха". Меркаваньні гледачоў падзяліліся. Большась пад уплывам прывіду блізкай Плошчы сьцьвярджала, што гэта Самі-ведаеце-хто. Я была ў апазыцыі і настойвала, што гэта Цела Культуры. Але сутнасьць ня ў тым. Пасьля пэрформансу АХ пабачыў, што Вішнёў і напраўду стаіць увесь абхвастаны жыгучкай, гарыць і чэшацца. "Зьмітру - запытаўся АХ, - навошта ты так сябе? - Вы маглі б узяць звычайнае быльлё, нам усё адно ў цемры не было бачна, чым вы лупіцеся". "Ша! - годна адказаў Вішнёў. - Гэта табе не тэатар!"

У гэтым пляне вялікую мастацкую сілу меў паэтычны пэрформанс "Ладзьдзя Роспачы", які літаратары паказвалі крыху раней. Спачатку з дапамогай мацюгальніка чыталася калектыўная рэнка. Потым Гервасій Выліваха (rudy_de), выліў у возера сапраўдную пляшку гарэлкі. Пасьля чаго Выліваха і Сьмерць (adamovitch) селі на Катамаран Роспачы і паплылі па дарожцы заходзячага сонца.

Дык вось, усе мужыкі на паляне ведалі, што гарэлка сапраўдная. А Вадзім Баршчэўскі да таго ж ведаў, што яна апошняя. Таму гэта і быў пэрформанс, а не школьны капусьнік, - гарэлка лілася ў ваду возера Дзевіна пад роспачны стогн і катарсіяльныя мацюкі спадара Вадзіма.

Tags: фрашкі

Настрой:

cheerful

(напісаць лісьць у рэдакцыю)

Comments:

From:	arbogast
Date:	лістапада 25, 2006 01:02 pm (UTC)

(Link)

У Барысевіча таксама былі акцыі з выліваньнем пляшкі гарэлкі сабе ў вочы (у іншым варыянце былі тры пляшкі - гарэлкі, віна і малака, што, відаць, сімвалізавала бел-чырвона-белы сьцяг).

(Адказаць) (Thread)

From:	annahonda
Date:	лістапада 25, 2006 02:24 pm (UTC)

удакладненне

(Link)

Адна справа заліць бутэльку ў вочы ў горадзе, а другая -- на возеры Дзевіна. Там і крамы не было, і самагоншчыцы адсутнічалі, што, наогул, дзіўна.
Але праўда ўсё-ткі іншая -- у мастакоў з сабой БЫЛО, і многа. Ведаю, бо піла. Проста іх так дасталі ў мінулую ноч літаратары сваімі спевамі, што яны не дзяліліся з прынцыпу. А пасля яшчэ дзівіліся -- "а што-та вы сёння не спяваеце?"

(Адказаць) (Parent) (Thread)

From:	arbogast
Date:	лістапада 25, 2006 03:15 pm (UTC)

Re: удакладненне

(Link)

Адна справа заліць віно ў возера, а іншая - у свае вочы. Перформеры менш шкадуюць сябе, чым акцёры. Тое ж розніць авангардыстаў і постмадэрністаў.

(Адказаць) (Parent) (Thread)

From:	annahonda
Date:	лістапада 25, 2006 03:38 pm (UTC)

Re: удакладненне

(Link)

Поўнае неразуменне архітэктурнай сітуацыі!
Правядзем эксперымент. Пасадзіце ў адзін пакой перформера, які будзе ліць сабе гарэлку ў вочы, а ў другі -- перформера, які будзе выліваць такую ж бутэльку праз вакно на вачах дваццаці страждушчых маладых людзей. І параўнайце іх фізічны стан пасля.
На целе першага -- ані драпінкі, на карме другога -- адны вузялкі. А цяпер уявіце сабе, што гэтыя дваццаць, па-першае, з бадуна, па-другое, святкуюць Купалле, па-трэцяе, на холадзе. І з камарамі.
І НІ ГРАМА!!!
Во гэта я і называю сапраўднай адданасцю мастацтву.

(Адказаць) (Parent) (Thread)

From:	arbogast
Date:	лістапада 25, 2006 08:48 pm (UTC)

Re: удакладненне

(Link)

Але ж абставіны былі зусім не такія. Барысевіч абліваўся віном і гарэлкай на фестывалях, перад вачыма засмяглых аматараў мастацтва, а на тым пленэры ля возера пляшка была не апошняя. Хоць і гэта, вядома, мужны ўчынак.

(Адказаць) (Parent) (Thread)

From:	cvetnayakapusta
Date:	лістапада 25, 2006 01:11 pm (UTC)

(Link)

zdajeca, garelka jashche byla...)

(Адказаць) (Thread)

From:	zavalnja
Date:	лістапада 25, 2006 06:39 pm (UTC)

(Link)

"Извините, соврамши!.."
Колькі ведаю спадара Баршчэўскага, ніколі ня чуў ад яго мацюкоў. Ён нават анекдоты зь моцнымі словамі спрабуе пераказаць агульнай мовай, таму выглядае сьмешным.
Хаця, напэўна, гэта не рэалізм, а постмадэрнізм.

(Адказаць) (Thread)