Стужка «9 песень» брытанца Майкла Вінтэрботама выдатна зайшла летнім вечарам у пятніцу.

SEX. Межы эротыкі перасякаюцца ў першыя ж пяць хвілін, і ў свой час абураныя Каны адназначна сказалі - порна! Па мне, дык тыя сцэны балансуюць на ўзроўні дакументальнай рэальнасці, дзе закаханыя ў ванным пакоі нагадваюць не Берталучы, а апелююць да нейкага твайго ўласнага вопыту гульняў у Берталучы, а галоўная гераіня падобна адначасова да дзяўчынак якога Чан Ву Сона і на тваю суседку па студэнцкім інтэрнаце, з якой ты ўпершыню гладзеў на тых карэйскіх дзяўчынак..



ROCK. Канцэртныя запісы гуртоў фармату брытанскага часопіса NME, сезон 2004. Назвы гавораць самі за сябе: Black Rebel Motorcycle Club, The Von Bondies, Elbow, Primal Scream, Dandy Warhols, Super Furry Animals, Franz Ferdinand, Michael Nyman. Фердынандаў у топку, а вось BRMC, адчуваю, ізноў завіснуць у маім плэйлісце..



DRUGS. Наркотыкі ёсць, але больш прабіўным і адназначна больш белым за cocaine паўстае ў фільме вобраз Антарктыды - менавіта там працуе галоўны герой. І ведаеце, раней я лічыў, што лядовы кантынент і рок-музыка сумяшчаюцца толькі ў творчасці гурта Arctic Monkeys. Вось яны дакладна ўпісаліся б у гэтую карціну, калі б зладзілі свой дэбютнік на пару гадоў раней. Але і без іх крута атрымалася.



Вось і ўсё. Акрамя пералічаных тэмаў больш нічога ў «9 песнях» і няма ))