Не адзіным півам жыве Басовішча.


Яшчэ 40 здымкаў з эмоцыямі людзей на Басовішчы-2008. vojur проста спэц! Дзякуй.

Басовішча-2008 атрымалася скандальным і непрадказальным — ад таго й неверагодна цікавым. Пра атмасфэру, старых і новых знаёмых распавядаць ня трэба — гэта характэрна для ўсіх басовішчаў. Просты эфір на Белсат, змаганьні з аховай і ня толькі, крэатыўныя акцыі — азарту сёлета хапала. Асабістае перажываньне фэсту — Rahis. Выступ быў неверагодным. Такой падтрымкі, па-мойму, і самі хлопцы не чакалі.

Фоткі будуць! Шмат.
А пакуль сьціслы матэрыял "Фэстываль Басовішча-2008 адбыўся".

Для ўсіх, хто запытваўся пра бясплатныя візы на Басовішча-2008:
Учора позна ўвечары нарэшце сытуацыя вырашылася. Але пасьпяшайцеся.
Даслаць заяўку на візу патрэбна да 7 ліпеня.
Падрабязьней пра візы на Басовішча-2008.

Для тых хто чуў, але ні разу ня быў. Проста ўзгадала, як сама ехала першы раз і некаторыя ўяўленьні апынуліся далёкімі ад рэальнасьці :)

5 рэчаў, якія трэба ведаць пра фэстываль Басовішча.

Не магу зразумець: адкуль растуць ногі ў гэтых распаўсюджаных памылак. На апіскі ня сьпішаш. Можа гэта ўжо тэндэнцыя? :)
Ледзь ня кожны другі гурт, які падаў сёлета заяўкі на конкурс Басовішча у сваім апісаньні ўжывае словы "досьвід" і "рэпітыцыя". Неяк жа гэта мусіць тлумачыцца.

Яшчэ трошкі - і я паверу, што так і трэба :)

На сёлетнім Басовішчы я буду піць піва, танчыць і адпачываць. Рабіце візы - будзем піць піва разам ;)
Сушу намёт, як кажуць ;).

Мае думкі пра Гэта :):

"Гарачы час падрыхтоўкі да фэсту пачынаецца. Маладыя гурты шукаюць інфармацыю, калі падаваць заяўкі. Арганізатары зь беларускага боку вядуць перамовы між сабою і БАСам, а самыя прадбачлівыя наведвальнікі Басовішча нясуць дакуманты на візу ў польскую амбасаду. Прагнозы, новыя асобы, даты – экшн ужо пачынаецца ;). Чытаць далей>>

Апошні тыдзень пранёсься як вецер, пакідаўшы кавалкі ўражаньняў.
Нарэшце скончыўся год, як у войску таптаў боты Дзёня (гурт Rahis). Нават сёньня па звычцы неяк хацелася пайсьці яго праведаць у частку. Ягонае вяртаньне сьвяткавалі 3 дні на Менскім моры. Зьбіраліся адну ноч, але нешта зацягнулася :)))))) Гітара, 2 галасы (+ усе нашыя падпеўкі ;)) - і ўсё гэта ўначы ля вады - эх, зараз бы зноўку туды. Але падпаліла плечы на сонцы, ногі і яшчэ шмат чаго... :)

А колькі разьвіртуаленьняў адбылося за гэты тыдзень! За першы дзень прыёму дакумантаў атрымала 3 прэзэнты. 2 баначкі клею (для фотак - не падумайце нічога :))... і пляшку піва (дзякуй, volat - ты пачуў мае малітвы ;)). Увесь тыдзень хацелася ўтапіць тэлефон (я падсьвядома ўсё яшчэ выношваю гэты плян ;)). Ну чаму людзі пачынаюць тэлефанаваць наконт візаў на Басовішча ў 8 раніцы, а завяршаюць у 1:15 ночы? Цяпер дакладна трэ мяняць тэлефон (трубку), бо мяне раздражняе ўжо само яго гучаньне, ня толькі мэлёдыі. Трэ памяняць тэлефон - і зноўку кідацца ў справы з новымі сіламі. Я ж люблю людзей ;)

На сход НРМ не паехала, хоць ужо выйшла з дому з заплечнікам і неабxоднымі рэчамі. Затое сёньня патрапіла пад дождж і вельмі гэтаму радая :). Яшчэ сёньня зьяжджае на Эльбрус сябар - Квасірчык ;). Нашыя нідзе не прападуць! Посьпехаў яму ў дарозе!