tarka'выя прыгоды, думкі, уражаньні

У лагойскіх лясох

Thu, 02 Oct 2008 15:05:55 GMT

Насамрэч, па грыбы мы езьдзілі яшчэ тры тыдні таму. Многія ў фрэндстужцы ўжо за гэты час пасьпелі пахвастацца сваімі грыбнымі паляваньнямі. Не магу спакойна глядзець на здымкі і я:)

за фота дзякуй vojur , а за аўтападарожжа dzjonia.

На футбол

Tue, 30 Sep 2008 13:13:05 GMT

Для такіх самых як і мы — хто не трапляе сёньня на футбол на Дынама.
Ідзем сёньня глядзець БАТЭ — Ювентус у «Акварыюм» кампаніяй у чалавек 15. Зьбіраемся туды недзе а 21:00.
Пакуль маем некалькі вольных месцаў у запасе. Зьвяртайцеся — будзем заўзець разам;)

UPD. Лот разыграны. Месцы забітыя :)

Пасьля "Року па вакацыях"

Sun, 21 Sep 2008 17:40:04 GMT

Зь «пераездам» прыйшоў час разграбаць фота, таму павыкладаю крыху нядаўніх і даўніх здымкаў. З апошняга — невялічкая афтэтапаці пасьля «Року па вакацыях».

Пачынаю з прыгажунькі krasannna :)

kauboj сэцыліст ва ўсім - па сытуацыі ў Эквадоры таксама ;)

Вясёлыя krasannna і zalgiris

dzim_dzim ня хоча дадому/ думае пра Беларусь/ хоча піва/ свая вэрсія :)

incertezza радуецца ўсім прысутным :)

І я радуюся :)

А ў гарачага эквадорца Фэдэрыка ўчора быў дзень народзінаў. Посьпехаў яму і гарачых, як любімы соўс Табаска, уражаньняў па жыцьці! ;)

Любімы футбаліст

Thu, 18 Sep 2008 17:46:02 GMT

Футбольная ліхаманка захапіла й мяне. Учора заўзела за нашых сымпатычных футбалістаў (і трэнера) у "Акварыюме".

Пад нагоду дзялюся здымкамі майго самага любіма футбаліста зь веснавога чэмпіянату :)

Абдумваньне стратэгіі гульні.

Праца з гледачамі.

Апошнія сэкунды перад стартам. Канцэнтрацыя на ўдары.

Самая хуткая атака ў гісторыі футболу.

Фірмовы падманваючы манэўр зь мячыкам.

І гол!!! Прыгожыя пушыстыя фанаткі вітаюць героя :)

Андрэй Рамашэўскі пра самую піўную партыю Беларусі і моладзевую тусоўку 90-х

Tue, 16 Sep 2008 09:59:11 GMT

Вельмі цікавае інтэрвію volja з b0rmann на Generation.bY. Рэкамэндую!

Андрэй Рамашэўскі пра самую піўную партыю Беларусі і моладзевую тусоўку 90-х

«На зьезд быў запрошаны кожны сябра партыі. Зьезд праходзіў у вялікай залі, а ўнізе ў фае піва раздавалася ўсім сябрам партыі па мандату бясплатна. Былі кампостэры. Атрымаў бутэльку — зрабілі дзірку, атрымаў другую бутэльку — другую дзірку, атрымаў трэцюю бутэльку — трэцюю дзірку, атрымаў чацьвёртую бутэльку — зрабілі чацьвёртую дзірку. Той, хто мае чатыры дзіркі — ня мае права галасаваць. Нам трэба было правесьці свой сьпіс кандыдатаў, а той хто напіўся — не галасаваў».

Rahis на Сталіцы

Wed, 10 Sep 2008 18:46:35 GMT

А зараз у простым эфіры на Радыё “Сталіца” у арт-гасьцёўні гурт Rahis.
Хлопцы распавядаюць пра гурт і плянуюць засьпяваць некалькі песень акустычна.

Ультра-кароткія хвалі 72.89.

Лета

Tue, 19 Aug 2008 00:19:27 GMT

Be2gether быў абалдзенным! Глядзім фота і радуемся, думаючы пра хуткае мора і піва. А ў гэты час bezymov вандруе па эўропах, радуючы нас супэрскімі артыкуламі з папярэдніх дзёрзкіх вылазак у беларускія мястэчкі. І нарэшце зноўку размаўляем зь incertezza не па роўмінгу і не па нэту. А яшчэ ўжо зажылі сінячкі пасьля пэйнтболу. Усім прывет! Ураджай уражаньняў буду зьбіраць напрыканцы лета.

Інтымнае: Ня ведаю, як сабрала сябе пасьля выступа Infected Mushroom на be2gether :)

be2gether!

Thu, 14 Aug 2008 23:36:36 GMT

Усё, мы на Be2gether!

08-08-08

Fri, 08 Aug 2008 09:54:07 GMT

Пронто!

Thu, 07 Aug 2008 14:32:36 GMT

Думаю, ужо многім твар гэтага маладога італійца падасца знаёмым. І па Менску блукаў, і па вёсках езьдзіў, і на аўторкі хадзіў, і піва піў, і Басовішча бачыў. Я дык ужо да яго так прызвычаілася, што шкада было разьвітвацца. Цяпер чакаем геніяльных фотак Масімільяна Клаўзі з тварамі нашых маладых беларусаў. Яго мы таксама ў апошні дзень пабыўкі апыталі, як яму ўражаньні.

«Перад вандроўкай я меў вельмі агульнае ўяўленьне пра Беларусь. Я быў у Румыніі і Косава, цікавіўся ўсходнеэўрапейскімі і пост-савецкімі краінамі, і, канешне, нешта я ведаў, але ня так шмат. Я пабачыў Беларусь у некаторых сэнсах у лепшай і ў горшай сытуацыі, чым сабе ўяўляў…»

На байдарках па Нёмане

Wed, 06 Aug 2008 10:01:12 GMT

На байдарках па Нёмане - гэта той выпадак, калі эмоцыі накрываюць і ў час вандроўкі, і пасьля. Як мы ўпершыню пайшлі на байдарках - артыкул і фотаблог.

Дзякуй dzim_dzim за тое, што выцягнуў у вандроўку і "падсадзіў" на байдаркі ;)

Wed, 30 Jul 2008 16:51:32 GMT

Елі сушы, кушалі супчыкі. Шкада, што сарваўся японскі фільм для поўнага камплекту.

photo by vojur

Настрой Басовішча-2008

Tue, 22 Jul 2008 16:17:11 GMT

Не адзіным півам жыве Басовішча.

Яшчэ 40 здымкаў з эмоцыямі людзей на Басовішчы-2008. vojur проста спэц! Дзякуй.

Басовішча-2008 адбылося

Mon, 21 Jul 2008 13:40:49 GMT

Басовішча-2008 атрымалася скандальным і непрадказальным — ад таго й неверагодна цікавым. Пра атмасфэру, старых і новых знаёмых распавядаць ня трэба — гэта характэрна для ўсіх басовішчаў. Просты эфір на Белсат, змаганьні з аховай і ня толькі, крэатыўныя акцыі — азарту сёлета хапала. Асабістае перажываньне фэсту — Rahis. Выступ быў неверагодным. Такой падтрымкі, па-мойму, і самі хлопцы не чакалі.

Фоткі будуць! Шмат.
А пакуль сьціслы матэрыял "Фэстываль Басовішча-2008 адбыўся".

Як жэжэшнікі пасьля басовішча сустракаліся

Wed, 02 Jul 2008 13:49:19 GMT

Залезла я тут у нашыя залежы фотак на кампутары.

Памятаеце, пасьля Басовішча-2006 у жж нарадзілася ідэя сабраць lj-карыстальнікаў, якія былі на фэсьце, у Менску піва папіць, разьвіртуаліцца? Тады яшчэ vojur выкладаў у сябе некаторыя здымкі з сустрэчы. Дабралася я да ўсіх фотак, знайшла некалькі вельмі цікавых і не апублікаваных раней і вырашыла падзяліцца.

З гэтай нагоды трымайце фотаблог з сустрэчы жэжэшнікаў пасьля Басовішча 2006-га.

Байдаркі!

Wed, 02 Jul 2008 09:10:29 GMT

А мы на байдарках на выходных пойдзем! Засталося дачакацца заўтра. Цяпер спадзяюся, што ў маёй байдарцы будуць бывалыя матросы і яны мяне ўратуюць. Інакш - не памінайце ліхам. Ужо ўяўляю, як выцягваю рэчы і саму сябе з вады на бераг. І сама сябе шкадую, бо ўжо выплывала неяк з Прыпяці на фоне тонучай лодкі. Але настрой узьнёслы, як у дзяцінстве перад якім глябальным сьвятам. Так хочацца, што не магу ўтрымацца.

Бясплатныя візы на Басовішча

Tue, 01 Jul 2008 08:41:19 GMT

Для ўсіх, хто запытваўся пра бясплатныя візы на Басовішча-2008:
Учора позна ўвечары нарэшце сытуацыя вырашылася. Але пасьпяшайцеся.
Даслаць заяўку на візу патрэбна да 7 ліпеня.
Падрабязьней пра візы на Басовішча-2008.

Малодшая Анёлка

Fri, 27 Jun 2008 18:47:55 GMT

Знаёмцеся - мая малодшая пляменьніца. Непаседа і юла. Ход думак не прадказаць. Можа яна стане акторкай?

Экстрэмальныя фота на Баравой

Thu, 26 Jun 2008 12:38:45 GMT

Супэрская ўчора была вечарына на Баравой з нагоды фіналу конкурса экстрэмальнага фота Red Bull Imagio. І з надвор'ем пашэнціла. Наглядзелася на брэйк-дансэраў, ды-джэяў, роварыстаў.

Аўторак. Rahis. Лета. Сьвіслач.

Tue, 24 Jun 2008 11:44:31 GMT

Для ўсіх, хто цікавіўся, і тых, хто можа далучыцца зьнянацку:

Аўторак сёньня на беразе Сьвіслачы ля Дынама ў 20:00.
Будзем піць піва, слухаць і падпяваць Rahis’ам і ~~марыць пра~~ плянаваць лета.

Сайт Басовішча

Tue, 24 Jun 2008 11:31:16 GMT

Запрацаваў сайт музычнага фэстывалю Басовішча.
Флэшку ў шапцы малявала яшчэ перад мінулагоднім фэстам – такія тады былі асацыяцыі. Зараз хочацца, каб дзень, каб дождж і мора, халоднае піва і добрая музыка - адпачываць хочацца.

Вожык лета

Sat, 21 Jun 2008 08:12:14 GMT

Усіх з выходнымі!

30 дзён да Басовішча-2008

Thu, 19 Jun 2008 15:07:49 GMT

Гатова папярэдняя праграма Басовішча-2008. Як па мне, дык нешта яна падазрона сьціплая. Няма NRM (пакуль?), але радуе, што ёсьць Neuro Dubel і Крама. Патрэбен яшчэ IQ48. Як безь іх Басовішча? Пад каго мы будзем танчыць?

Затое з камандаў, якія едуць на Басовішча ўпершыню, сёлета: Rahis (BY), WZ-Orkiestra (BY), «…И Друг мой грузовик» (UA), Schody (PL), Dick4Dick (PL).

Rahis!

Tue, 17 Jun 2008 19:22:05 GMT

Добрыя навіны адна за адной!

Інтэрнэт-прэзэнтацыя першага студыйнага запісу песьні Rahis.
Пампуем “Пароль у лета”!

Paul McCartney у 573 кілямэтрах ад Менску

Tue, 17 Jun 2008 14:29:34 GMT

За вакном дождж - лепшы момант акунуцца ў атмасфэру суботняга канцэрту Пола Маккартні. Пару фотак зрабіла і я: у жж - здымкі з камэнтарамі, як мы чакалі канцэрту, а на сайт - рэпартажык і некалькі фотак з самога канцэрту. Было грандыёзна!

Сядзім ля Залатых Варотаў. Праз 20 хвілінаў мы заселімся ў кватэру і шамне дождж. Нам яўна шэнціць! :)

Падобна на аўтобус? Гэта гаўбец так файна аздоблены. За вакном - дождж, град, а мы ў цяпле.

Дождж перад самым канцэртам засьпеў нас у ДаблКофі. Нам зноў шэнціць :) А за вакном залева - міма праплываюць час ад часу бутэлькі, бегаюць мокрыя людзі. Дзёня ў гэты момант думае, мабыць, пра тое, чаму ня ўзяў з сабой швэдрык.

На самім канцэрце мы ад званка да званка! Шчасьлівы Юрка на фоне Маккартні ў промнях славы :)
Дарэчы, як толькі народ паскладаў парасоны, мы ўбачылі яго. Маленькага звычайнага чалавечка зь гітарай на сцэне, вядомага на ўвесь сьвет.

А за гэтае фота дзякуй vojur . Не падвяла мяне мая любоў да дажджавічкоў. У кавярні, калі мы прыапрануліся й рушылі ў залеву на канцэрт, я з гонарам адказвала прамоклым цікаўным, дзе яго набыла: у Беларусі :)

Канешне, прамокла ўсё, але тэкіла зь лімонам і гарачы супчык гарантавалі адсутнасьць насмарку зраніцы.
А ў цягніку апынулася, што ў нашым вагоне ня было аніводнага ўкраінца - беларусы вярталіся з канцэрту :)
Усім прывітаньне!

Рэпартаж з канцэрту:
Paul McCartney у 573 кілямэтрах ад Менску: Independence concert у цэнтры Кіева