Рыдлёўка як сымбаль беларускага экстрэмізму
БТ учора жгло.

У адной з аналітычных перадачак (іх на БТ увогуле багата, усіх зь сябе аналітычных - назваў нават не магу запомніць) хлобчэг смазьлівай наружнасьці паказаў ляктарату БОМБУ: у прыгарадных лясох інструктары з вопытам баявых дзеяньняў у "гарачых кропках" рыхтуюць юнакоў да сутычак з праваахоўнікамі з мэтамі зрынаньня канстытуцыйнага ладу!

І ўсё б нічога, каб не завоблачны прафэсыяналізм БТ.

У кадры некалькі пераапранутых брсмаўцаў у майках Маладога Фронту і нейкі мужык у цельніку размахвалі рыдлёўкай. Побач сядзела некалькі фактурных дзевак. Усё гэта мусіла выглядаць як працэс падрыхтоўкі байцоў для вулічных акцыяў.

Але чаму рыдлёўка? Цяжка сказаць. Бо на мітынгі з рыдлёўкамі ня ходзяць хоць забіся. Ходзяць з расьцяжкамі, з транспарантамі, з дрэўкамі штандараў, з вудамі нарэшце - з чым заўгодна, толькі не з рыдлёўкамі. Інакш кажучы, рыдлёўка для мітынгоўца - абсалютна не падручны сродак. Калі ўжо на тое, апазыцыю прасьцей уявіць з граблямі.

Далей. У кадры мужык у цельніку (той самы рэмба з "гарачых кропак") навучае хлопца ў майцы Маладога Фронта прыёмам абыходжаньня з рыдлёўкай. Хлопец паслухмяна б'е ёй умоўнага АМАПаўца па ўмоўнай галаве і затым "дадае" нагой у корпус. ІМХО: нашыя амапаўцы, канешне, крэпкія рабяты, але не настолькі, каб застацца стаяць на нагах пасьля ўдару лязом рыдлёўкі па мордзе. Так што нагой па корпусе апасьля рыдлёўкі - непатрэбшына нейкая. Гэта альбо садызм, альбо глумленьне над трупам - толькі ня тое, што трэба ў рэальнай сутычцы. А значыць, "прафэсыйны інструктар" інструктуе нешта ня вельмі прафэсыйна. Я не кажу пра тое, што збоку гэта выглядала як бяскрыўдная аэробіка ў доме састарэлых.

З самімі ж маладафронтаўцамі па ходзе рэпартажу адбываюцца дзіўныя пэртурбацыі. З "14-15-тилетних юнцов" яны раптам становяцца "откосившими от армии". Я думаю, гэтым разам бэтэшнікі пераплюнулі нават саміх сябе.

Ну а гэтую фігурна складзеную кучку з пустых пляшак з-пад піва ды гарэлкі яны, мяркую, перавозяць зь месца на месца ў адмысловай машынцы. Толькі па дарозе порначасопісы згубілі.

***

Рэжым, і бэтэшнікі ў прыватнасьці, лішні раз паказалі, якімі мэтадамі яны ня грэбуюць. І ўсё ж яны малойцы. На ўсю краіну падказваюць апазыцыі стварыць сабе баявое крыло! Па шчырасьці, мне не зразумела, чаму яго дагэтуль няма. Хай нават не арганізаванага, а стыхійна ўтворанага. Хай не для боек з амапаўцамі, а для прэсінгу рознай мразі - эскадроншчыкаў, азаронкаў, правакатараў, адыёзных судзьдзяў і прочыя. Для гэтага ж ня трэба ні шмат людзей, ні нават рыдлёўкі.

апдэйт: А, прыгадаў! Гэта "В центре внимания" было.